Latest

اب کے برس دستور ستم

اب کے برس دستور ستم
اب کے برس دستور ستم میں کیا کیا باب ایزاد ہوئے
جو قاتل تھے مقتول ہوئے،جو صید تھے اب صیاد ہوئے
پہلے بھی خزاں میں باغ اجڑے پر یوں نہیں جیسے ا بکے برس
سارے بوٹے  پتہ  پتہ روش  روش  برباد  ہوئے
پہلے بھی  طواف شمع  وفا  تھی،  رسم  محبت  والوں  کی
ہم تم سے پہلے بھی یہاں منصور ہوئے، فرہاد  ہوئے
اک گل کے مرجھا نے پر  کیا گلشن  میں  کہرام  مچا
اک چہرہ کمھلا جانے  سے  کتنے دل  ناشاد ہوئے
فیض، نہ ہم یوسف نہ کوئی  یعقوب جو ہم کو یاد کرے
اپنا کیا، کنعاں  میں رہے یا مصر میں جا آباد ہوئے
فیض احمد فیضؔ


1 Comment on اب کے برس دستور ستم

  1. Amazing article, I am checking back persistently to look for improvements.

Comments are closed.