Latest

كيفية الاستمتاع بالصلاه؟؟


عاوز تستمتع بالصلاه؟؟؟؟
أولا أول ما تدخل فالصلاة فضع الله نصب عينيك والجنة على يمينك والنار على شمالك وضع الدنيا خلف ظهرك…..وقول الله أكبر

جربت تتدبر يعنى ايه: الله أكبـــــــــــــــــــــــــــــــــــــر!!!! يعنى الله أكبر من أى شئ سواه…..أكبر من التفكير فالشغل وأكبر من التفكير فى ة الماتش والمسلسل ربنا أكبـــــــــــــــــــــــر من انك تكون بتصلى وبتفكر هو الزمالك ولا الاهلى اللى هياخد الدورى والله ربنا أكبر من أنك تكونى بتصلى وبتفكرى ايه اللى هيحصل فالمسلسل تلاقى ناس بتجرى فالصلاه عشان وراها مشوار او عوزه تلحق تعمل حاجه معينه…. تلاقى البنات والسيدات يستنوا الفاصل الاعلانى بين المسلسلين عشان بسرعه بسرعه يقوموا يصلوا بسرعه ويجوا تانى يكملوا……….. طيب عاوز اقول للناس دى واقول لنفسى بدون كسوف: منتهى عدم الحياء من الله منتهى الاستهتار….احب اقولكم:احنا معندناش دم اه بجد……لان أول ما تحصلك مصيبه او تقع فى ضائقه مبتقولش غير يـــــــــــــــــــــــــــــــــــــــــــــــارب يـــــــــــــــــــــــــــــــــــــــــــــــــــــــــــــــــــــــــــــــــارب اصل ملناش غيره يا جماعه…..طيب ال5دقايق اللى بنقفهم بين ايديه كمان مبنفرط فيهم!!! انا عارف ان مفيش حد عندك أكبر من ربك لكن لازم تطبق ده بجد…..مش بالكلام

طيب خد الحديث ده وفكر فيه كويس: قال رسول صلي الله عليه وسلم:” إن أسوء الناس سرقة الذي يسرق صلاته….قالوا: يارسول الله كيف يسرقها ؟! قال: لا يتم ركوعها ولا سجودها “……….أنت خشوعك في الصلاة أخباره إية ؟؟؟؟!! وخد الهديتين دول ومتنسانيش بدعوتين كدا : قال رسول الله صلي الله عليه وسلم:”من توضأ فأحسن الوضوء خرجت خطاياه من جسده حتي تخرج من تحت أظفاره”……حقا الله أرحم بك من الأم بوليدها… يقول النبي صلي الله عليه وسلم:”إن العبد إذا قام يصلي أتي بذنوبه كلها فوضعت علي رأسه وعاتقيه فكلما ركع أو سجد تساقطت عنه ذنوبه”……….. يعنى ممكن بس بالوضوء وبالصلاه تغفر ذنوبك كلها بس هل وانت بتتوضى بتفكر وتحس بان الميه دى مطهره للذنوب؟؟ الركوع والسجود دول بيسقطوا الذنوب؟؟ طيب ابدا اهتم شويه واعلم ان ربنا رحيـــــــــــــــــــــــــــم غفــــــــــــــــــــــــــــور حنــــــــــــــــــــــــــــــان منـــــــــــــــــــــــــــــــــــــان وبيديك هدايه ومنح ………….استغلها صح با رب اجعلنى مقيم الصلاة ومن ذريتى ربنا وتقبل دعاء